صَبرتْ - فيديو (مكتوبة) - محمد باقر الخاقاني
صبر ت(مكتوبة)
الرادود: محمد باقر الخاقاني
الماطالعه من بيتها شطلعها
وعله ابن عمها خوفها يدفعها
عله الحسن وحسين من تچيه ايد
والايد الاخرى لازمه برگعها
خلو ابن عمي تنادي _ لتيتمون اولادي
مثل القرط ضل ينتثر مدمعها
ولتفت حيدر ليها _ وسلمان رد عليها
كله ارجع لبنت النبي ورجعها
وبكل ادب - گلها يبنت المصطفى
چان النبي رحمه وعفو للعالمين
بيدچ سبب - ينزل عذاب الله تره
والسمه تطيح عله الارض من تندعين
گالتله چم دوب الصبر...والنار وصلت بابي
وانچان تنشدني شجره...اسمع يعمي جوابي
كسرو ضلعي .. صبرت
غصبو حقي .. صبرت
لطموا عيني .. صبرت
قتلو ابني .. صبرت
ولكن .. ماعلى عليا صبرو
عالصبر ياسلمان ماضن بيه
وليهسه چفي من الجمر مچويه
بثوب الصلاة الابيض تشم دخان
بيتي انه وحرگو البيت عليه
والصار بيه كله _ لعيون حيدر يحله
غير انه اسمي الراضيه المرضيه
بس المصيبه الادهه_لهنانه هاي وحدها
يقتلون ابو الحسنين عدهم نيّه
ماضل صبر - وانضر امامي وسيدي
وبعلي وابن عمي وابو اولادي قتيل
كسر الصدر - اتحمله وعالمرتضى
واصبر وكابر عالصبر لامستحيل
اعثر طلعت بحسرتي - ونزف دمه من صوابي
ولو مايرد المصطفى - لكشف لربي حجابي
كسرو ضلعي .. صبرت
غصبو حقي .. صبرت
لطمو عيني .. صبرت
قتلو ابني .. صبرت
ولكن .. ماعلى علي صبرو
من عگب ما بالحبل زنده مچتف
ردت الزهره وي علي چف بچف
تناست طفلها والضلع والبسمار
وهانت عليها الكلفه لجل الاكلف
لزهره طلعت من دارها_لحد مارجع كرارها
وهناك طلعه ثانيه بيوم الطف
الحرگو عليها خيمها_طلعت تدور ابن امها
وشافت اخوها بحاله ماتتوصف
ام الحسن-شافت جرح حامي الحمه
وزينب جرح الف وتسعميه تشوف
وترادفن-فوگ البدن-مثل المزن-احجار وعصي - وسمر القنى - وبيض السيوف
من والدي وردت الصبر - وبن الزچيه مصابي
لاچن الصار بكربلا - مامر ابد بحسابي
قتلو عونا .. صبرت
قتلو الاكبر .. صبرت
قتلو القاسم .. صبرت
قتلو الساقي .. صبرت
ولكن .. ماعلى حسينُ صبرو
التعلیقات