ليش راحت - فيديو (مكتوبة) - باسم الكربلائي
ليش راحت(مكتوبة)
الرادود: باسم الكربلائي
ليش راحت وحدها ليش راحت
وين جانت حياتي وين صارت
ما اخضب لحيتي ولا انسعد
إلا يا عمار زهرائي ترد
إله اشچم يوم وأخباره بعيدة
وابو اليقضان إجه يزور الصميدة
يحني حيدر اللحية يريده
وعلي من الدفن ما ماسح إيده
حال حيدر يبچي حال حيدر
صار يعثر تشوفه صار يعثر
شلون گلبي يعيش ونبضي مبتعد
إلا يا عمار زهرائي ترد
يبن ياسر قبل تذكر قتالي
الثگيل ابمكة يرجف من خيالي
تعال وشوف هسه شلون حالي
مو بس راسي شيّب حتى بالي
تاه دربي عليه تاه دربي
عين گلبي طفوها عين گلبي
ذو الفقاري بعد ما رايح أرد
إلا يا عمار زهرائي ترد
اسألك يبن ياسر تقبل إنته
شنو يخلي الرجل تنزل دمعته
أبد مو دَين لو من تقوى علته
صعب تنضرب گدامه حرمته
نار حرگت إديها نار حرگت
ناس سحگت طفلها ناس سحگت
حيلي مگطوع وبعد بيمن أشد
إلا يا عمار زهرائي ترد
خذوني مفرع ومجتوفه إديه
ورجعت لبيتي بس اشظال بيه
وإجتني فاطمة وتبچي عليه
تگلي اشسكتك گلت الوصية
آه منك زماني آه منك
ضيم حزنك لواني ضيم حزنك
يا أبو اليقضان غيرني الفگد
إلا يا عمار زهرائي ترد
يبن ياسر شسولف عن دفنها
شغمض منه و امورم جفنها
اصرخت من شفت الآثار ابدنها
من بالسوط ضاربها ابمتنها
فوگ خدها اصابع فوگ خدها
جروح عدها ابوجهها جروح عدها
منها وآنه دموعي ما وگفت تهد
إلا يا عمار زهرائي ترد
ابوكت دفنتها دمعي اشلون ألزمه
نسيت وصحت ويه حسين يمه
لحد موتي تظل ابروحي هضمه
ظهر بس آنه أحس الدنيا ظلمة
ليل كلشي بحياتي ليل كلشي
نار تمشي ابوريدي نار تمشي
أبد ما تطفه ولا احس إبرد
إلا يا عمار زهرائي ترد
شسولف من رجعت الداري أنحب
وتلگتني يتيمة وتبچي زينب
تگلي شوف راسي بويه شيّب
قبل طفها بدت خيمتها تلهب
شلون بيها العقيلة شلون بيها
جاي ليها سبيها جاي ليها
تبقى زينب للمصايب تستعد
إلا يا عمار زهرائي ترد
إذا هجمت على العيله العساكر
شتصير چفوف زينب بنتي باچر
تلم جسم حسين من الحوافر
وتطفي خيام واتلم الحراير
جيش يهجم عليها جيش يهجم
ناس تشتم وليها ناس تشتم
والكفلها عالشريعة ابلا زند
إلا يا عمار زهرائي ترد
التعلیقات