اقول اسمك - مكتوبة

 الرادود : الحاج ملا باسم الكربلائي   

اگول اسـمـك تـفيض بصدري عبراتي
حـسـين  و  صورتك تجري ويا دمعاتي
اشـوفـك يـا حزن عايش وسط ذاتي
مـلاذي  وتـنـتـهـي يمك جراحاتي
******
حـزن  يـرسم  طفوفك لوحة اوجاعي
بـحـر دمعي اعتنيك و حسرتي شراعي
صـلـيل  سيوف  حزنك يذبح اسماعي
خـيـول  الهم  تدوس بذكرك اضلاعي
خـذت  مـن هم محرم حزني و اطباعي
واقـصـدك  من  تشب في حزني جمراتي
مـلاذي  وتـنـتـهـي يمك جراحاتي
******
صـمـت  عـن  الفرح لمن يهل نوحي
عـزائي  إلجرحك  اتضل تنزف جروحي
إلـك  رايـة حـزن رفت لى سطوحي
حـوافـر  خيل حزنك صالت بسوحي
يـمـن مالك نبض قلبي و حزن روحي
قـمـر يـمـشي قضيت بحزنك أوقاتي
مـلاذي  وتـنـتـهـي يمك جراحاتي
******
ابـمـهـر دمعي اسافر لك بلاي حدود
اشـوفـك على الترب نايم حزن ممدود
الـمـلايـك  تنزل اتصلي إلك و تعود
تـغـطي  جسمك الطاهر دمع و ورود
ألايـا مـن مـصابك بيه جننت موعود
جـنـت  صـابـر  رغم ما تعلم الآتي
مـلاذي  وتـنـتـهـي يمك جراحاتي
******
ادورك يـا عـشق ضامي إلعذب ملقاك
شـراعـي الـمبحر بدمعي يروح وياك
لـسـانـي ما يملك ذكرك و لا يناسك
يسولف لك عشق روحي و يصيح اهواك
ظـلام الـي سكن روحي يحل ضوالك
حـروف اسـمـك تصير بشوقي آياتي
مـلاذي  وتـنـتـهـي يمك جراحاتي
******
نـهـر  تـروي الوجود بثغرك الضامي
تـنـسـيـنـي بـمصابك جمرة آلامي
خيالك  صرت اشوفه بصحوي واحلامي
جـسـد  مـتغطي بجراحه و نحر دامي
حـزن مـا ظـن يفارقك حزنك ايامي
نـجـم  مـا فـارقـت ظلمة سماواتي
مـلاذي  وتـنـتـهـي يمك جراحاتي
******
عـهـد اسـمـك يبو الاكبر فلا ننساه
دمـاء  تـسـيـل من اجله تظل نهواه
عـلـى  رمح المجد راسك عجب شفناه
يـسـيـر و بـالسماء نجوم تمشي وياه
عـجيبة شلون ظامي و نرتوي من ظماه
تـوديـنـي عـلـى حبك جمرة آهاتي
مـلاذي  وتـنـتـهـي يمك جراحاتي