لطمية أنه المصحف مكتوبة
الرادود حيدر البياتي
خبر عاجل غضب نازل وصل للطف
حمل راية و كتب بيها انه المصحف
الاسم علي
العزم علي
مثل علي و عباس
عاجل عاجل
جماله يوسف يكص جفه اله
خصاله نبي و يمشي بكربله
حلاله الزعل بعيونه وحله
لو زعل ترجف سماها
والارض يشرد هواها
والشمس يلبد ضواها
تنتهي بسيفه الحياة
لو نزل بالطف يقاتل
يرتجز هل من منازل
يبتسم عمه ابو فاضل
ياهو يكدر للصلاة
غضب سيفه الهوه بكيفه يشمونه
علي الثاني علي الاكبر يسمونه
كفو ونعم
صدك شهم
ابو العزم ينقاس
عاجل عاجل
حلاته جنة واضربها بألف
صفاته كلشي لله بيه عرف
ثباته فارس بكلهن كلف
كربله صاحت دخيلك
سيدي مدنكة اجيلك
منهم و مني أشتكيلك
ادري بخيامك نجاة
مختصر وصفي و كلامه
نظرته يوم القيامة
ضحكته برد وسلامة
لو زعل تمطر سماه
اله اقرة الف مرة هلا بروحي
ترف اسمه نده الورده ودوه جروحي
دوه الدوه
ضوة الضوة
هوه الهوه و انفاس
عاجل عاجل
أشوفه معجزة هذا الاسم
ضروفه حيرت آهل العلم
حروفه تنكتب لو تنرسم
هيبتك كافي عليهم
يا علي لا لا تجيهم
بالحرب رجفت اديهم
رجفت ماي الفرات
والشرد كالو أمانه
ما ثبت راسه بمكانه
ركبته ضلت ورانه
بس وكف حس روحه مات
الشرد عنه سلم منه و نسه راسه
رجف كله مثل سعفه بهوه انفاسه
علي شفت
صدك خفت
صرخ متت و هواس
عاجل عاجل
مكانه بقلب الحسين السكن
حنانه سالفة من ام الحسن
زمانه يعيش غصبا عالزمن
بصولته جملة قراها
من علي جدة خذاها
بالسمه نسمع صداها
لا فتى الا علي
هيبتة هيبة محمد
بالحرب اسمه تخلد
كربله بأفعاله تشهد
صوته بالحق يعتلي
انا العابد انا الزاهد علي الاكبر
انا الفارس انا الجندي بطل خيبر
انا الدهر
انا القدر
ولا مفر للناس
عاجل عاجل
بعرينه نظرته نظرة أسد
يمينه مالها كفوا احد
مدينة غيرته ما الها حد
يا علي كلمة مهابة
هذا تربات النجابة
من العدة صفه حسابه
يا هله بموت الزلم
هاجم و غاضب يجيهم
شردو و يضحك عليهم
مو عجب ترجف اديهم
هذا المرجف النجم
على يمينه كشخ سيفه هله بسيفه
هجم دمدم غضب غيم اخذ حيفه
صعد نزل
ذبح قتل
الاله وصل ينداس
عاجل عاجل
play_arrow
play_arrow
play_arrow
play_arrow
play_arrow
play_arrow
تعليقات