لطمية المشاية - أهلاً بكل اللغات مكتوبة
الرادود حيدر البياتي
الخير دربه الدين حبه
ماكو أحلى من هذا الدرب جنة بخطوتين
روح امشي عوف كلشي
هذا الحبيب ابن الحبيب ابو علي حسين
للكاع خطوتكم نبض
بالماي بالجو بالارض
بالطول صحنه و العرض
هله و الف هله
يا خير عالكاع انتشر
زوار انتم لو مطر
والله حيرتو البشر عجيبة كربله
الكرم عدنه يختلف عن غيرنه
إحنه حتى الطير ياكل خيرنه
والطير زاير في كربلاء
راح كل هم خير مقدم
يالجيتك مثل الهوا من ما تجي نموت
هاذ موكب بيه معزب
يحچي وي الاخرس بالاشارة تفضل وفوت
للعين خطواتك كحل
والضيف لا ما ينسئل
يا دين يتبع يا أصل
صرنه إله أهل
يحسين مو بس شيعتك
زوار كلها ل حضرتك
من غير دولة تعنتك
يا سيد الدول
حسين إسمه بكل وطن تلگونه
والعراق انخلق لجل عيونه
باب الجنة في كربلاء
حسين رفعة مو بدعة
حبنه ثقافة و مو خرافة من الأساطير
كون تفهم كون تعلم
اليمشي ويالحسين بحياته ملك يصير
يا ناس عدنه معتقد
هيهات منعوفه ابد
خدام وانطينه عهد
مانترك الامر
أجيال تحمل رايته
أجيال تبقى بخدمته
أجيال تحيي زيارته
عمر بعد عمر
مبدأ الحب والتسامح دينه
ياهو عنده حسين مثل حسينه
حبنه غالي في كربلاء
هناك تلكة چفوف ملكة
جفين ابو فاضل سفينة نوح ياناس
الراد يشفه يبوس چفه
مستشفى الامراض العصية چفوف عباس
عباس ضامي بس نهر
عباس ما ردله بشر
عباس أحلى من الكمر
والجنة حضرته
عباس فزعة بشدتك
عباس يكضي حاجتك
عباس كله بغيرتك
معروفة غيرته
ماي وجهك لا تبيعة لغيره
هذا ابو الخير النعيش بخيره
رحمة ونزلت في كربلاء
روح زوره تشوف صورة
زينب مخيم للشرف ما لاحته النار
بعين حمرة هناك تقرة
جابر يجابر ما دريت بكربله شصار
مشاي خل دمعك يصب
ام عون مكسورة گلب
وياك تمشي بالدرب
عزيزة فاطمة
و بيوم عشرين بصفر
يا روس ردت للحفر
والعين لو تبچي دهر
ما يرتوي الضمه
زينبية و ما تطيح الراية
وإحنه وي زينب نجي مشاية
موكب زينب في كربلاء
play_arrow
play_arrow
play_arrow
play_arrow
play_arrow
play_arrow
تعليقات