قصیدة : صوت احساس
الشاعر : وسام الشويلي
الرادود : الحاج ملا باسم الکربلائي
صوت احساس وي عباس بي نتكلم
ياوفاي عوف الماي جفك زمزم
******
ياعباس ابرائتنه اجينه انوح نسولف وانته تسمعنه بقلب مجروح
طفل من يحجي كلماته تذوب الروح طلبنه تبقى بخيامك وابد متروح
لا لتروح للمجروح انته البلسم ياوفاي عوف الماي جفك زمزم
صوت احساس وي عباس بي نتكلم
ياوفاي عوف الماي جفك زمزم
******
شيفيد الماي من دونك ينبع الماي تروح بعيد منريدك نريدك جاي
حنانك ماي ويروي يداوي الداي لاتبعد عن اسكينه نطلبك هاي
كلشي يهون بس شلون لو ماتسلم ياوفاي عوف الماي جفك زمزم
صوت احساس وي عباس بي نتكلم
ياوفاي عوف الماي جفك زمزم
******
مدامعنه يبوفاضل نترسه الجود كل غايتنه لطفالك تظل موجود
سالنه الظامي عبدلله بكلب ممرود يظل عباس لو يشمي بعد ميعود
بمهده وصاح بس لا راح نادوني العم ياوفاي عوف الماي جفك زمزم
صوت احساس وي عباس بي نتكلم
ياوفاي عوف الماي جفك زمزم
******
كلام من القلب يطلع دمع وحساس احنه انروح للشاطي وتظل عباس
رقيه تعيش بنفاسك يبو النوماس بعد من وين لحسينك نجيب انفاس
دمعه وصوت طفله تموت من تتيتم ياوفاي عوف الماي جفك زمزم
صوت احساس وي عباس بي نتكلم
ياوفاي عوف الماي جفك زمزم
******
دمعنه نصيح لاتمشي الوداع ألام لأن لو طاحت الرايه تطيح اخيام
اذا عالشاطي بعيونك تصير اسهام ترى عيون الحرم بعدك ابد متنام
عاين حال هالأطفال بيهم ارحم ياوفاي عوف الماي جفك زمزم
صوت احساس وي عباس بي نتكلم
ياوفاي عوف الماي جفك زمزم
play_arrow
play_arrow
play_arrow
play_arrow
play_arrow
play_arrow
تعليقات
محمد الربيعي
منذ 10 سنواتبارك الله بكم جعله الله في ميزان حسناتكم ونريد المزيد من ابداعكم
0
0