فاجعة الشام - مكتوبة

قصیده : آنا  أمك  أملي بيك

الشاعر : الأديب الحاج جابر الكاظمي

الرادود : الحاج ملا باسم الکربلایی

آنا  أمك  أملي بيك ...و آنا أدريك ...رفعة راس
ما غيرك إلك أوصيك... حقي إعليك ...يا عباس
زينب   يا   ضوه   العين   ...لا   يسبوها   مرتين
******
عباس    أمك    آنا    و    تذكر    بأول   وصيه
زينب    كل    وصيتي    من    رحت    للغاضريه
تمشي   الراحله   و   خلف   الضعن  تمشي  المنيه
چن    قلبي    علمني    روحتك   ما   بيها   جيه
عيني   إعله   الدرب   و   أنطر   خبر  منك  إليه
لن   جاني   الخبر   بت   فاطمه   أخذوها   سبيه
و الناعي هتف إبصوت... خط الموت ...عالأكرام
بت  حيدر  إجت إتنوح... بيها إجروح ...ما تلتام
يا   ريت   إخت   الحسين   ...لا  يسبوها  مرتين
******
الناعي     من    لفاني    ينعه    بأطراف    المدينه
إنشدته  إبلهفتي  و  شوقي  و هضم روحي الحزينه
قال   إبنج   لجل   زينب   نطه   إيساره   و  يمينه
طاح   إعله   الشريعه   و   بالسهم  مصيوبه  عينه
قال     إبنج     لون    ما    بالسيوف    إموذرينه
ما   جان   إنسبت   زينب   و   لا  تصبح  رهينه
ما  لومك صدق القال... عالأبطال... يجزي اللوم
لو حي ما سبو إعيال... و الأطفال... كلها إتحوم
عيله    أبسطوة    البين    ...لا   يسبوها   مرتين
******
زينب   هذا   جدها   المصطفه   و   حيدر  أبوها
و    أمها    فاطمه    و   ريحانة   المختار   أخوها
يوليدي     يعباس     إختك     إخلافك    ولوها
من   مجلس   لعد   مجلس   عقب   عينك  سبوها
لو     ما     جثتك     يم     الشريعه     إيوذروها
ما   جان   إنسلب   خدر  إختك  و  لا  يسروها
من  بعدك زمن الشوم ...صب إهموم ...عالأطهار
من  زينب  جرت  إدموع ...و الينبوع ...ينزف نار
هاي    البيها    نارين    ...لا    يسبوها    مرتين
******
إختك    هذي    معروفه    بمهابتها    و   صبرها
هاي    اللي    فديت   إجفوفك   الهيبة   خدرها
هاي   الما   رحمها   و   لا   وفه   إوياها   دهرها
بالشام    الأجل    بيده   إنطوة   صفحة   عمرها
لكن     ربنه     رايد     يرفع     الزينب    قدرها
للعالم     صبح     جنة    عدن    موضع    قبرها
و  الظالم  إجه  و يريد ...من إجديد ...بالأجلاف
عالأمه   رجع  إيزيد  ...ظل  إيبيد...  هالأشراف
عن   إختك   صرت   وين  ...لا  يسبوها  مرتين
******
و   آنا   بالقبر  أهتف  و  أنادي  و  قلبي  لاهب
يوليدي    نخيتك    و    إنت    صنديد   الغوالب
مثل     إمخيمك     لمن    إجت    ليه    الكتايب
قبر   إختك   يبو   فاضل   إجت   ليه  النواصب
نيته     الناصبي    إيهدم    قبر    بت    الأطايب
حاشه    ترضه    يتهدم    ضريح    أم   المصايب
چن أسمع حجه عباس... لو هالناس ...كلها إتجور
لا  و  اللي خلق الكون ...ما يطفون... هذا النور
لا    يلفوها    طاغين    ...لا    يسبوها    مرتين
******
حي    عباس    أبو    الغيره   فلا   يحصل   مثيله
چن   أسمع   بدت   من   قبرك  الصرخه  الأصيله
آنا    الكافل    و   روحي   القبر   زينب   كفيله
و   شحده   اليجي  و  يوصل  لعند  قبر  العقيله
خل   تسمع   بني  حرب  و  صخر  أهل  الرذيله
خط   أحمر   قبر   بت   حيدر   إشحده  اليجيله
هالمرقد    منو    يدناه...    نتفداه    ...بالأرواح
يتفجر  لهب  النار  ...عالأشرار  ...و الكل صاح
لا     يدنوها    باغين    ...لا    يسبوها    مرتين