بت حيدر بعبره (مكتوبة) - باسم الكربلائي

الرادود : الحاج ملا باسم الكربلائي

 

 بـت  حـيـدر بـعـبـره... تـستقبل الزهره...و شتنفع الحسره
******
بـعـيـون مـجروحة بدمع ألّمها...شاهدت صورة كدر ما أعظمها
مـابـيـن زيـنـب و الوديعة أمها...كل وحدة منهن سارحة بعالمها
و بـكـل قـلـب جـمره ...من همها مستعره ...و شتنفع الحسره
******
زيـنـب تصد و الدمعة دم تهلها...لن شافت أمها الزهرة قصدت الها
وقـفـة  حـزن  وقفت و تستقبلها...خل نستمع زينب شراح تقلها
يـا  جـدة الـعـتـره ...قـلبي خلص صبره ...و شتنفع الحسره
******
صاحت  الزهرة شعمل وياج البين...وين اخوتج يا زينب و وين حسين
لـن  زيـنـب  تجاوبها بدموع العين...يايمة لو ناشدتيني عن ابنج وين
ظـامـي انـقـطـع نـحره ...و اتوسد الغبره ...و اشتنفع الحسره
******
ابنج  حسين قبالي يايمة انصاب...طايح صريع على الثرى و بالدم غاب
و مصابه ماصار و حصل مثله مصاب...يمة و مثل ضلع التكسر بالباب
ضـلوع  ابنج  مكسره... الخيل اسحقت صدره... و اشتنفع الحسره
******
صوب الجسد راحن الزهرة و زينب...شافن حسين بدم وريده مخضّب
علجسد  طاحت بنت محمد تنحب...و تقله جسمك ليش يابني مسلب
دلالـي  لـو صـخـره... هـالـنايبة تكسره ...و شتنفع الحسره
******
زيـنـب تخاطب فاطمة بالآلام...ظلي بكتر جسم ابن أبوي الضرغام
و آنـة اروحـن للحرم و الأيتام...تدريها عيلة و مابقت عندها خيام
خـيـمـتـهـا  مـتوجره ...و الجيتي منتظره... واشتنفع الحسره