حبك قبله .. والها قلبي صلى
ياوجه الله .. مولانا يالمهدي

* * * * * * * * *

قلبي لحبك وحد .. باسمه ظل يتشهد
لا ثنى ولا عده .. بس نهضة اللـ يتودد
حبك قبله .. ولها قلبي صلى ..
ياوجه الله .. مولانا يالمهدي ..

* * * * * * * * *

قلبي .. بحر من الهوى ماله لا أول و أخر
شوقي .. موجه الهايج الـ يحمل غرامي والمشاعر
لكن .. مايه سلسبيل يروي آمالي والخواطر
دايم .. مده والجزر مايعرفه لن بدره زاهر
فاض بحري ..وحار فكري .. قلب ثاني امنين اجيبه .. ياحبيبه
وانت تدري ليش يجري .. شبيه يتزايد واجيبه .. وي لهيبه
حبي اكبر من قلبي وتحير .. شعندي أكثر .. مولانا يالمهدي ..

* * * * * * * * *

عيني .. رفت وفتحت باب الكرم وي الضيافه ..
فاضت .. من بحر الهوى وبكل سرور وكل لطافه ..
تسهر .. ترعى قلبي وحبي وماتعرف حسافه ..
تحسب .. وش يبعد حبيب الروح وش قد المسافه
يالـ عشقتك يالـ هويتك .. كل عضو بحبك رويته .. واحتويته
يالـ فقدتك وانتظرتك .. حبي بعمري فديته .. واشتريته
حبك عمري ..عمري بحبك يجري ..
بهذا ذخري .. مولانا يالمهدي ..

* * * * * * * * *

وجهك .. يشرق كالشمس بالحب على العالم سويه
تزهي .. لحظة ماطفت ولا غربت عن هالبريه
قلبك .. قلب المصطفى جدك وروحك حيدريه
ياللي .. ترجمت وعطف رب العلا فوق الوطيه
بحر عطفك ياللي وصفك أخرس لسان السماحه والفصاحه
دنيا لطفك والـ يعرفك بالهدى مشرق صباحه وبصلاحه
حبك اجرى .. قلبي ونفسي الحرة ..
يابن الزهراء .. مولانا يالمهدي ..

* * * * * * * * *

غايب .. لكن قلبك ويانا ولا يرضى يعاتب
قلبك .. جنه وجمعت ياسيدي كل الحبايب
كعبة .. حبك والقلب مال الها ياشبل الاطايب
كلما .. نتوجه نراقبها بمشارق وبمغارب
انت كعبه والها تربى عين كل محب وعاشق .. حبه صادق
لا تعذبه يالـ تحبه لأجلك الدنيا يفارق .. لك يسابق
وصلك آيه .. واسمى من كل آيه ..
شوفك غاية .. مولانا يالمهدي

* * * * * * * * *

انت .. قرآن الهوى ورب الورى بحفظه تكفل
وعلى .. كل عاشق محب ياسيدي وحيه تنزل
يبقى .. مع مر الزمن ياروحي قرآنه يترتل
نقرأ .. وبآياته نتأمل وربنا الباري يقبل
يامامي وكل غرامي سور من قرآن حبك .. وحق ربك
من قيامي لسلامي في صلاة الحب أندبك .. أبقى قربك
تبقى الآهات .. تتحسر بالدلات ..
أنساك هيهات .. مولانا يالمهدي

* * * * * * * * *