الغايب لو عاد من غيابه |
| كل حگ ويرجع لأصحابه |
| **** | ||
| ها ها يالمتغيّر لونك ساعه وتوگفله المديونك |
| إصبر كف دمعات إعيونك وابدقّه اتصفّيله احسابه |
| **** | ||
| يالمغبون إصبر لا تجزع شمس الغابت لابد تطلع |
| وابأمرك حكّم واتورّع واتشوف الگوم النهّابه |
| **** | ||
| هالشمس اعله المؤمن رحمه واعله الجاحد تصبح نقمه |
| وللمهموم اتروّح همّه والگلب الظالم ريّابه |
| **** | ||
| والظالم مكشوفه أطباعه ملعونه الذات الطمّاعه |
| يتغير كل ساعه وساعه وصاحبها انكشفت أنسابه |
| **** | ||
| والابن اللّي يطلع جاحد والثعلب لو راد ايعاند |
| اعرف هالسر من الوالد ما يخدع سلطان الغابه |
| **** | ||
| يالثعلب لا تطغه بأمرك غدّار ومستأصل غدرك |
| كل الوادم عرفت مكرك واليوم انكشفت اسبابه |
| **** | ||
| ما فادك مكرك ما فادك ما تگدر تخدع صيّادك |
| لو دگت ساعة ميعادك لوحط ابگوسه النشّابه |
| **** | ||
| واشلون الماكر يخدعنه غايب نترجاه يحضرنه |
| واحنه المتعيّن قائدنه وايلم اجروح المنصابه |
| **** | ||
| وسلطان الجاير يتحاكم كل گطره السالت من الدم |
| ابمحكمة المهدي ويتغرم وايرد كل دين الطلاّبه |
| **** | ||
