الدنـيه تـاهت والطمع عاميها |
| يظهر ابـن الحسن وايصفيها |
| **** | ||
| يا گـلب اترك دياجير الظلام بيها متساوي الحلال ويه الحرام |
| ولا تضن الدنيـه تمشي اعله المرام وصار سافلها مثـل عاليها |
| **** | ||
| السافـل اويه العالي صارن فد قياس هيّه هيّه النـاس مختـلفت الناس |
| والخـيانـه اتـغرست من الاساس شفـنه اولـها وبعـد تاليـها |
| **** | ||
| واللي چانت راضيه ابعاد وثمود ابن ربعي وحرمله ردوا ردود |
| ترضـه بحكام النـصاري واليهود ونفس ذيـچ سيـوفها ابايديها |
| **** | ||
| بعـده عرش يزيد ثابت عالحكم چـم عزيز وعـلى الـذله منرغم |
| وهالظلم مفـترع من ذاك الظلم هـاي دنيه وبعد تدري شبيها |
| **** | ||
| جزع صبري وما جزعت من الصبر الصبر عالموعد احر من الجمر |
| بنتظار الغايب افنيـت العمر الجمره لـو فاض الدمع يطفيها |
| **** | ||
| واحنه جمرتنه متطفه بالنحيب لا ولا عـلتـنه تحتـاج لطبيب |
| اشما نكـثـر الدمع يزداد اللهيب بس ظهور الغـايب ايداويها |
| **** | ||
| گبل ميصيح اللسان الگلب صاح تظن ويه جسومنه ظلت ارواح |
| يا فرع عدنان يا سر الفلاح هالارواح اببرجك امغيـبيها |
| **** | ||
| بالمساجد تنظر الوادم حشـود راح ماضينه وبعـد ما ظن يعود |
| مسلمين الشكل بالباطن يهود والرعيـه تـيّهت راعيها |
| **** | ||
| اشلون چان الـنه مجد يبن الحسن على الأمه انضربت استار المحن |
| لچن يا وسفـه تبدّل بالفتن حيل ويه اللي جفت مهديها |
| **** | ||
| آه لو بالنـاس يالغايـب تريد تلگه بيها شچم شمر وشچم يزيد |
| تـنادي يا ثارات محزود الوريد وچـم عقيلة هاشم املوعيها |
| **** | ||
| لو صدگ هالناس تتنه طلعتك نفس هاي الگـوم يسروا عمتك |
| چان سارت على منهج سيرتك والسكينه ويه الظعن سابيها |
| **** | ||
