قصيدة : سلام الله عله الزهره
الرادود : الحاج ملا باسم الكربلائی
سلام الله عله الزهره...جره دمعي عله الزهره
******
عله إتراب البقيع الزهره منتظره...تون يم الحبيب الهدّموا قبره
يجي الغايب تريد و صارمه إيشهره...تره بردع النواصب تنطفي الجمره
جرح قلبي عله الزهره...جره دمعي عله الزهره
******
تون يم قبر ابنها و الضلع محني...تصيح ابصوت يالمسموم آه يبني
ييمه و الزمان اهواي تعبني...هدم قبرك سهم بالروح صوبني
مصاب أنصب عله الزهره...جره دمعي عله الزهره
******
شفت جبدك ييمه بالسم إتقطع...جبد من العطش محروق و إمصدع
لونه يرتوي العطشان بالمدمع...أظل أبجي و أنادي يالعزيز إرجع
عفت همك عله الزهره...جره دمعي عله الزهره
******
أظل يم البقيع و مره اتعنه...أروح الكربله لحسين أشوفنه
خلص عمري تره ونه بأثر ونه...بقيت الشوفت الموعود أتمنه
يظل غايب عله الزهره...جره دمعي عله الزهره
play_arrow
play_arrow
play_arrow
play_arrow
play_arrow
play_arrow
تعليقات