قصيدة : ليش القبور إمهدمه
للشاعر : علي حسين البحراني
الرادود : الحاج ملا باسم الكربلائی
ليش القبور إمهدمه...روح الوجود مألمه
******
هذي الجنان الخاليه...ويه الترب متساويه
و اللي يزور إبناعيه...جن عارج الرب السمه
******
عندي أمل و أكبر معه...بين القبور الأربعه
أقره الزياره الجامعه...و أحثي التراب و ألثمه
******
ما تدري يا طير الحرم...جلمة أمل صارت ألم
للزهره مو ضلع إنهشم...أربع ضلوع إمهشمه
******
أم الأطايب راحله...بين البقيع و كربله
دمعتها عالخد سايله...امن اللطمه تتجاره دمه
******
آنا الولائي الفاطمي...تجري العقيده في دمي
يوم البقيع العالمي...صرخة حقوقي العارمه
******
يا فارض اعليَّ المنع...امنعني من صب الدمع
إلهم أشب روحي شمع...أضوي المسافة المظلمه
******
هذا البقيع و غربته...جنة عدن في تربته
يمته نشاهد قبته...تضوي مثل حامي الحمه
******
أم البنين النايحه...حسره عليها جارحه
إنعاها و إقره الفاتحه...و اقسم عليها ابفاطمه
******
لو كفّرونه ابكل زمن...لو صرنه عبّاد الوثن
باجر ظهور ابن الحسن...يبدي الحقيقه ابصارمه
play_arrow
play_arrow
play_arrow
play_arrow
play_arrow
play_arrow
تعليقات