يا قلب الحيران - مكتوبة

قصيدة : يا قلبي الحيران

للشاعر : السيد عبد الخالق المحنّه

الرادود : الحاج ملا باسم الكربلائی

يا قلبي الحيران...كل ظالم خسران
و المهدومه إقبور أحبابه...يبقه إبلا عنوان
******
يقلبي و الحزن ظل إويه نبضاتك
صحف موسه إنطوت من صوت آهاتك
خلص كل شي يقلبي و باقي حسراتك
تريد المن تروح و تشكي لوعاتك
لحبابك حنيت...معلوم إشتاقيت
لو ما تشتم عطر أحبابك...ما تطفه النيران
******
يقلبي و الجرح يتداوه بالمدمع
إذا ونيت أدري ابفاطمه تسمع
إبنها و ذكرياته و جبده المقطع
يقلبي إستخلف الله الراح ما يرجع
من يبني المهدوم...و يشافي المسموم
دنيه إتروح و ترجع دنيه...و إنت إتظل حزنان
******
يقلبي امن السقيفه هاي حسبوها
قبور أهل الوفه لازم يضيعوها
لونها إقبور أميه عالي يبنوها
لأن لولاد أبو الحملة يهدموها
يا قلبي المكسور...شايل خمس إقبور
قلبي الحيدر و اللي يمكله...لا مو يا هو الجان
******
عله بغض الصميده بغضوا العتره
يخوفوهم علي حته و هو ابقبره
شجاع العامري و بس حيدر إيشطره
بقه هذا الحقد للناصبه ذكره
حقدوا عالكرار...و يطلبون الثار
إحنه إنقلهم حيدر باقي...و عايش بالوجدان
******
يقلبي و اليريد الغالي يوصل له
إذا طال الدرب بدموعك إتسله
الهدم قبر الأحبه يا قلب قله
أشم ريحة حبيبي و قبره أندله
و إقبور الأحباب...منخليها إتراب
لازم ألماس إنشيدها...رغماً عالعدوان
******
بقيع الهم بجه و يم الوعد قّرب
نجي و عدنه الفقار اللي شطر مرحب
تره شيعة علي امن السيف ما تتعب
غضب و الرافضي من يزعل إمجرب
شيعة و رفعة راس...و براية عباس
من يبرز عباس اويانه...نقطع جم إلسان
******
يقلبي و عدنه غايب ضاعت أخباره
مدري ابيا مجره و يا أرض داره
نريد إيعود لينه و يطلب ابثاره
البقيع إيصيح وينه ووينه بتاره
وينه الغايب وين...يطلب ثار حسين
يا ثار الراحت مسبيه...و يا ثار العطشان
******
أنا الشيعي و يموت اليوصل احدودي
على روس النواصب أسحق بزودي
أصول و راية العباس بزنودي
النواصب ما تشوف الراحه بوجودي
خل تسمع هالناس...حيدر تاج الراس
لو ما حيدر بيده الرايه...من يقلع بيبان
******
إذا جيش الروافض يهجم اعليهم
جميع الناصبه امن القاع تفنيهم
قسم صولات أبو فاضل نراويهم
واحد يردم الثاني نخليهم
نطلب ثار حسين...و الصاع ابصاعين
آنا الشيعي و أرفض يمي...عبادة أوثان