لطمية لا لي ولا اِلك دار مكتوبة
الرادود باسم الكربلائي
لا لي و لا الك دار دار دار
بحالي وحالك اشصار اشصار اشصار
من منحرك لأطفالك
ما فارگني چتالك
صدگ عود .. اصد ليك
واشوف عيونك وما تصد لعيوني
يخي حيف .. مثل طيف
براسك رمح وآنه حبال بمتوني
چنت وين .. صرت وين
الأميرة الغالية المسبية سموني
متت كون .. ولا اشوف
اخوتي اگبال عيني وما يشوفوني
بس چف الكفل جيش جيش جيش
ابقه ابلا أهل ليش ليش ليش
ابچي الحالي لو حالك
ما فارگني چتالك
حرت بين .. الأمرين
ما بين الحلم واليقظة مذهولة
وجه غاب .. بالتراب
معقولة انت هذا معقولة
الايتام .. يسألون
عگب حسين عمه امنين اجوا ذوله
يخافون .. يشوفون
الشال الرمح دمك صاير بطوله
دمك شفته بالليل ليل ليل
متوزع على الخيل خيل خيل
شال عيوني من شالك
ما فارگني چتالك
ولا اشوف .. ضمه وخوف
درب ليل وبچي چف ايدي ما اشوفه
وره المات .. حرامات
الغريبه ام المصياب صرت معروفه
حسافات .. وكت صار
گعدتي وياك منحور اويه مچتوفه
وكت راح .. أخو طاح
بقه شايل الخوه وعايف چفوفه
تعرگ گصته وياي وياي وياي
تارس كربله ماي ماي ماي
مثل العطش بعيالك
ما فارگني چتالك
أهل شام .. يصيحون
نريد انشوفها الردت بلا هلها
شمر صاح .. وسط سوگ
هاي الچان محد يوصل الظلها
جمع ناس .. بالطبول
وعليك أشر يگلهم هذا دللها
ويأشرون .. لعباس
يگلهم هذا راسه الچان كافلها
وناس تبارك ايزيد ايزيد ايزيد
ويم روس اخوتي عيد عيد عيد
بس لا ينجرح بالك
ما فارگني چتالك
حرامات .. نهر مات
اشوفن حيرتك من ضفه للضفه
دمه وطاح .. بالرماح
شتفكر ونحرك ما گطع نزفه
و لاشاف .. طفل خاف
كل خطوة اشوف الموت واتحفه
يخي ريت .. وتمنيت
خيل اتدوسني ولا فرة الزفه
سوگ ولچمتي شام شام شام
كل خطوة بألف عام عام عام
گمت احتمي بخيالك
ما فارگني چتالك
ارد بيش .. مره وجيش
يخويه افراگكم ما ينجبر كسره
ينوماس .. يعباس
تقبلها الشمر عگبك يدگ صدره
اصد ليك .. واحاجيك
شفتك راس لكن منكسر ظهره
شفت نور .. مسافات
من عندك إليه ركضة الزهره
تفزع بالولي ثار ثار ثار
إلحگ يا علي نار نار نار
ثارك بيدي يحلالك
ما فارگني چتالك
حسافات .. وكت مات
آنه اليستحي العباس من عندي
ولا چان .. على البال
اگبالي المو رجال تشتم بجدي
عليّ گال .. غريبات
يرجف گام لمّن گتله مو وحدي
رسالات .. من آهات
من گلبي اكتبتها لطلعة المهدي
عرفوا حرگتي بحيف حيف حيف
سمعوا كلمتي بسيف سيف سيف
خويه اتباهى بافعالك
ما فارگني چتالك
play_arrow
play_arrow
play_arrow
play_arrow
play_arrow
play_arrow
تعليقات