هوسات للمشاية ماظل شِبر مكتوبة
الرادود باسم الكربلائي
ماضل شبر ما مديوس بالكاع العراقيه
إلا وداسته زوار يوم الأربعينيه
مايحتاج نبني النوب للزاير إحسينيه
يابيت إيطبه إحسينيته
باچر بالحشر معلوم يالتمشي بطريق حسين
تندل الدرب وحدك ماتسأل الجنه إمنين
وإل هذا السبب مفروض مو بس زحف عالرجلين
لوكصو رجلك تمشيله
هله إبزوار إبوالسجاد كلها تصيح من إنفوت
من بيوتنه الصحنك لكينه الدرب كله بيوت
كتبناهن وقف يحسين من المهد للتابوت
ماتمشي الغيرك رجلينه
يالتمشي بطريق حسين تبقه الوادم إتهابك
وغصبن عالعدو العاداك لازم يحسب إحسابك
ومادامك بدرب حسين فاتح لليمر بابك
ربك يفتحلك بيبانه
لا تتعجب إمن إتشوف يمشي وياك نصراني
راد إيشوف بالاسلام وجهه المشرق الثاني
نعم لحسين راد يكول لا للبغي السفياني
وإيعادي الشجره الملعونه
play_arrow
play_arrow
play_arrow
play_arrow
play_arrow
play_arrow
تعليقات