لطمية نمشي مع الحجة مكتوبة
الرادود باسم الكربلائي
نمشي مع الحجة مع الحجة مع الحجة
نسعى الى حجه الى حجه الى حجه
نمشي مع الحجة بسم الله نبديها
كعبة عشگ عدنه نطوف ونحجج بيها
بحرامنه الاسود كل اربعينيه
حجتنه مقبولة بكل خطوة نمشيها
مشيتنا للغالي مشية نهر عذب
روجاته وجروفه نبضة گلب يحب
يتمنى كل عاشك بيها اسم ينكتب
من يرجع البيته ما عنده اي ذنب
خطوة بأثر خطوة للجنه مشايه
مثل الرزق ننزل يوميه بولايه
يالزاير اتفضل بيتك بعد بيتي
مية هلا عيوني نسمعها الحجاية
من خادم الخادم تتناوب الهلا
گد ما مشيتوله بيكم هلا وغلا
يستاهل الوالي كلشي رخص اله
والمولده بموته سيد على المله
شعبك مجانينك ما تنفهم قصته
يا ديره نوصلها ما نلكه بس انته
ما ظل عقل صاحي كلهم مثل عابس
واللي عليك انجن معروفه سالفته
طول الدرب خدمه ناسك اهل كرم
احنه هرم وانته عالي رأس هرم
تاج وزعيم النه بعدك فلا رهم
درب الكطع غيرك دربك صلة حرم
راية بظهر راية جيش ابحرب نشمي
يالكلشي عهنده انطه والرب نطاه كلشي
حتة الدمع يسأل بعيون اليحبه
وتگله هذا الحسين رسمه بوسط رمشي
ليل ونهار الحب ياخذنه اله بسفر
فارگنه هالخدمه صار اثنعش شهر
تحيينه كل دمعه ترثي كطع نحر
والوحشه عالخادم تبدي بعد صفر
عشرة وريد ودم عدنه اوي الزيارة
موعدها لمن حل كلمن هجر داره
عفناهن وجينه هجرة مشي لبيتك
قائدنه مهدينه شايل علم ثاره
ياربي شووفنه طلعة وجه سمح
غايبنه عجلله ساعة نصر فتح
وابأمره ياخذنه نطلب ثأر ذبح
مو سهلة عماته عاشن سبي وجرح
play_arrow
play_arrow
play_arrow
play_arrow
play_arrow
play_arrow
تعليقات