إحذر من تحجي (مكتوبة) - باسم الكربلائي
منذ سنة٣٤٣مشاهده
لطمية إحذر من تحجي مكتوبة
الرادود باسم الكربلائي
احذر من تحجي اويه اسيادك
يبن العبيد
لا أهدم قصرك على راسك
اسكت يزيد
انا الساجد .. انا العابد
على افعالك .. انا الشاهد
جدي منو جدك منو يالتحجي بالأجداد
اني علي وجدي علي واهلي عليك اسياد
فوگ الارض توگع سمه لو ما نصير اوتاد
والله زمن واخر وكت احنه بحبل ننگاد
انهض وياي من اتسولف
سولف قيام
انت البادي وطيحة عرشك
مسك الختام
دمع خدري .. اذا يجري
حلم تبقى .. بعرش گاعد
مو ثوبي وياك الحچي بس حكمة الايام
شايفلك بعمرك ملك يحجيله وي اقزام
ماي انا واسلوبك عطش من الخيم للشام
لا مسلم انت ولا صدگ تعرف شنو الاسلام
لا مسلم لا عندك غيره
لا بن اصول
لو عندك ذرة من الشيمه
ما چنت اگول
خنت جدي .. دست حدي
بعد مني .. شنو شرايد
تتصور انته المنتصر بعد الحرب وياي
لو شايف اشلون العطش من انتصر عالماي
بالطف ضوه العالم طفه ولا ما طفت دنياي
تروح انته واهلك والزمن بس الحسين الجاي
خليها ابالك واسمعني
واحفظها زين
كلشي يزول بهاي الدنيا
ويبقى الحسين
حكم رايح .. العرش طايح
وابو اليمه .. يظل خالد
شيل من ابويه المخصره هذا النحر يسواك
لو ما قيودك والنبي چان اگطعت يمناك
دير انت عينك چا شفت ياهو اليخزرك ذاك
لو چان ابو فاضل عدل اربع وصل سواك
من شاف ايدك يم المنحر
عاين عليك
واغتاض وچن عينه تگلك
لك شيل اديك
تعرفونه .. على عيونه
فلا يگدر .. يصد واحد
احنه اول انساب العرب واحنه آخر الانساب
فضلنه ربك عالبشر من چننه بالاصلاب
ألبس حجابك لو اجت زينبنه من الباب
توگف أمامك والشرف ماخذله منها حجاب
من تگلك اسعى بسعيك
تعلن قتال
واحجاية زينب ما تنزل
كلمة رجال
عزم همتي .. صبر عمتي
واشوفنها .. جبل صامد
لا تعتقد هذا السبي يكسرنه لو نحتار
حتى الزغار ال بالضعن عدهم شموخ كبار
لو تدري بالطف بالخيم لمن شعلتوا النار
طشرهم الخوف ورجع لمهم علي الكرار
ما نهتم لكثرة جيشك
مهما يكون
والصار وكل السويته
باچر يهون
نظل تالي .. علم عالي
اكو عدنه .. بعد قائد
مو شيمة العدهم بخت فصل الجسد عالراس
ولا من تقاليد العرب عالينذبح ينداس
لو چنتوا اعراب وصدگ عدكم شرف واحساس
جان استحيتوا من النهر ظل يبچي عالعباس
سبعين آلافك ما گدروا
كلهم عليه
گطعوا چفينه وقاتلهم
من غير إديه
تره الساقي .. يظل باقي
يجي وجيشك .. يظل شارد
ما سولفلك يا جسد عالغبره ظل مطروح
قرآن ابويه ولا جزء من عنده ما مجروح
ما شايف انا من الگفه إبنآدم گبل مذبوح
بصدره الخيول بلا رحم ظلت تجي وتروح
قرآن ومتناثر بالطف
جوه الخيول
ميدان ضلوعه وكل جيشك
فوگاه يجول
شمر داسه .. وگطع راسه
على صدره .. بحقد صاعد
التعلیقات