تزوروني (مكتوبة) - باسم الكربلائي
منذ سنة٤١٢مشاهده
لطمية تزوروني مكتوبة
الرادود باسم الكربلائي
تزوروني أعاهدكم
تعرفوني شفيع إلكم
أساميكم أسجلها أساميكم
هلا بيكم يازواري هلا بيكم
تزوروني
وحگ جف الكفيل وجوده والرايه
انا وعباس وياكم يمشايه
يمن بعتو النفوس وجيتو شرايه
علي واجب اوافيكم ياوفايه
ترويني مدامعكم
تواسيني حناجركم
الأگيكم انا وجرحي ألاگيكم
هلا بيكم يازواري هلا بيكم
تزوروني
هلا يالما نسيت و عالوعد تحظر
اجيت ولا يهمك لا برد لا حر
وحگ دمع العقيله وطبرة الاكبر
احظرك ما اعوفك ساعة المحشر
على الموعد اجي يمكم
ولا ابعد واعوفنكم
محاميكم وحگ حيدر محاميكم
هلا بيكم يزواري هلا بيكم
تزوروني
ي هالشايل الرايه وجاي گاصدني
اخبرك رايتك بيمن تذكرني
بخويه الطاح چفه و صاح ادركني
صحت ويلاه يخويه والظهر محني
كسر ظهري ابو فاضل
شلي بعمري مشه الكافل
اوصيكم على الرايه اوصيكم
هلا بيكم يازواري هلا بيكم
تزوروني
يمن گاصد الي والدمعه تجريها
انا اعرف حاجتك مو داعي تحجيها
وحگ نحر الرضيع الحاجة اگضيها
يزاير عاهدت كل عله اشفيها
اخو زينب فرح بيكم
هلا ومرحب يناديكم
يحيكم ابو الغيره يحيكم
هلا بيكم يزواري هلا بيكم
تزوروني
دمع زينب يهل كلما تزوروني
تناديكم لون بالطف حظروني
ولا امشي سبيه ولا يسلبوني
ولا بسياطهم گدروا يضربوني
ولا شامت ولا بحيره
ولا يحزن ابو الغيره
ابجيكم على مصابي ابجيكم
هلا بيكم يزواري هلا بيكم
تزوروني
أنا وراعي العلم وياكم انشاهد
أنا أستقبل جمعكم واحدا واحد
إخو زينب يساعدكم بلا ساعد
تنامون وانا الحارس و أظل گاعد
لكل خطوه مشيتوها
لكل دمعه بجيتوها
أخليكم وسط عيني أخليكم
هلا بيكم يزواري هلا بيكم
تزوروني
إذا لبيك صحتوا آنه أسمعكم
هله ياللي محبة حسين تجمعكم
تطيب اجروحي من تنزل مدامعكم
يزواري أنا استقبل و اودعكم
مهم عندي محبتكم
واظل ادعي لسلامتكم
أهنيكم يوفايه أهنيكم
هلا بيكم يزواري هلا بيكم
تزوروني
تره من العام نحسب يمته ممشاكم
من البحر الى النحر سمعناكم
حجيتوها وابو فاضل تلگاكم
واجه شايل علم ويردد اوياكم
من البحر الى النحر
برد يطفي لهب صدري
تحاجوني وانه واسمع واحاجيكم
هلا بيكم يزواري هلا بيكم
تزوروني
تره كل خطوه محسوبة واسجلها
واشكرك لو صلاتك ما تأجلها
شكر للي اجاني ودمعته يهلها
شكر لهل المواكب والخدم كلها
ابو الموكب بذل كلشي
واجه يخدمك لإن تمشي
تره كل يوم اصبحكم وامسيكم
هلا بيكم يزواري هلا بيكم
تزوروني
التعلیقات