قصیدة شد لثامه مكتوبة - ليلة العباس عليه السلام
محمد الجنامي
شد لثامه ... هز صمصامه
درون العراق
چبير .. حلف عالعلگمي يجره من اذانه
شمرهم يگلهم دخيل الله منه
من طباها موت و جاها حي عباسه
عم الساده ذل القاده عسكر داسه
گمر ... كافل خواته
يم اخيامه
شجاع .. درس بالجامعة بقسم البطوله
جيوش .. تولاها و شمر ذوله اعله ذوله
فزع ليها فزعه ... غنم بيها يرعه
ذبحهم عقيقه السلامة عضيده
قراله قصيدة صورها جديده
كلشي ابكفيه ... هوه و سيفه
من يدناله و اليدناله يأخذ روحه
نعم الوالي بيرغ عالي منهو يلوحه
جبل ... ماكو ابثباته
گمر ... كافل خواته
يناس .. الشمس لو باوعلها ابغيمه تلبد
شموخ .. حلو طوله النخل لو شافه تگعد
الفرات .. حچه وي الجرف احسلك اشرد
الاجه زلمه نشمي ... الشرد منه نشمي
الزلم كلها صاحت تعبنه يكافل
العلم بيده و گله و نعم يبو فاضل
الرايه الخضره ... صارت حمره
دم غطاها بي تتباها و الطف شاهد
ملك الموته يحسب موته نازل صاعد
السمه ... تگول اشعلاته
گمر ... كافل خواته
نشوف .. عذاب ومن عذابه ماكو مهرب
بلاء .. دخيل الله اخو زينب تنگب
ثبات .. يسمونه ابن ابوه المنه يگرب
و من خزرة الماي ركض عالمخيم
النهر بيده شاله ... العطش صفگاله
ابفقه گطع الرگاب يظل هوه إلاعلم
فدوه العينه عم اسكينه ما يتلاكه
شبت ناره ... شن الغاره
سمره ازنوده تحچي ابزوده كل عشاگه
گمر ... كافل خواته
يم اخيامه
الچفوف .. هون بس خضرن بالطف مناير
كريم .. اليدگ بابه ابد ما يبقه حاير
الخلگ تحچي عنه ... جمال و محنه
يناس هذا عباس رجوله و مهابه
و علي ينسه همه اليروح اعله بابه
الخير ابابه ... الرحمه ابابه
كلشي ابابه و اتدگ بابه متظل حيره
نهر الجنه يشرب منه زود و غيره
بگلب ... زينب غلاته
گمر ... كافل خواته
play_arrow
play_arrow
تعليقات