الليلة افراح وسرور

الليلة ميلاد الإمام المنتظر راعي الوفه

رادوا يطفون نوره نوره يزهي وما طفه

هذا بن خير النساء وجده طه المصطفه

مدرسة مهد الزمان وبيها كل المعرفه

موعظة بكل العصور

* * * * * * * * *

يا هلا بمولد المهدي حيته أرض وسمه

هذا منقذنه إليسجل باجر أروع ملحمه

للنبي نزف التهاني وللشريفة فاطمه
هذا إليقيم العدالة بزود عزمه وصارمه

ما يظل بالدنيا جور

* * * * * * * * *

هذا إلي يساوي البرية لا زغير ولا كبير

الذيب ويا الشاة يسرح عايشين بفد مصير

كلها تصبح أغنياء وما يظل بيهم فقير
الناس كلها أحرار تصبح عندها وجدان وضمير

لا ظلم يبقى وفجور

* * * * * * * * *

شيعتك يا بن الزجية تجرعت مر الصبر

سيدي وتدري بدمعها عالوجن ينزل جمر

شابحة لجيتك بلهفة ولظهورك تنتظر

جرد البتار وإنهض فكنه من أهل الغدر

طفي حسرات الصدور

* * * * * * * * *