اللون الأخضر في غرفة طفلك

اللون الأخضر في غرفة طفلك .. نادر ماتلاقي حد يفكر يعمل غرفة أطفاله

باللون الأخضر .. الكل بيفكر في الموف واللبني لو طفل وفي الروز والبينك أو الاورانج لو طفلة .. لكن قليل أوي لما حد يستخدم اللون الأخضر في غرفة طفله سواء بنت أو ولد .. على الرغم من إن استخدام اللون الأخضر في غرفة طفلك .. شيء مهم جدا ومفيد للطفل أو الطفلة ، وده لأنه من الألوان اللي بتساعد على النشاط والحيوية ، لأنه اللون اللي بيعبر عن الحياة المستمدة من النباتات والزرع أصل الحياة ، فبالتالي هيساعد طفلك إنه يقدر يركز في مذاكرة دروسه  ..

 

ومن ناحية تانية اللون الأخضر من اللألوان اللي بتهدي الأعصاب ومضادة للتوتر ، لأنه بيضفي على المكان السكون والطمأنينة اللي بتخلي الجالي في المكان دايما يفكر في أجواء الطبيعة ، عشان كدة اللون ده مناسب جدا للأطفال وخاصة درجات الأخضر المائلة للأزرق (اللون الأخضر بيتكون من درجتي اللون الأصفر واللون الأرزرق ، وللحصول على الدرجة المزرقة بنزود كثافة اللون الأرزق بصورة أكبر من اللون الأصفر) .

الأخضر لون الطبيعة والنمو والتوازن وبيعبر عن التناغم مع البيئة ، ومعروف عن اللون الأخضر إنه بيقدر يمتص كل الطاقات السلبية من الأجسام اللي بتتعرض له والدليل على كدة إن الإنسان اللي بيقعد في حديقة أو مكان أخضر مليء بالأشجار .. بيبتهج ويزول اكتئابه ويتحول من الحزن والكآبة للفرح والنشاط والسعادة

واستخدام اللون الأخضر في غرف نوم الأطفال مناسب جدا ليهم لأنه بيساعدهم على الاسترخاء والهدوء ، وهي طبعا صفات مطلوبة تخلي الطفل ينام براحة وبدون تعب ، لأن اللون الأخضر لون الحشائش وورق الشجر والخضروات عشان كدة بيقدر يعكس إحساس بالظل والراحة .

http://decoronline.net/green-baby-room/