عايش احزاني
القصيدة : عايش احزاني
الشاعر : ابو مريم الواسطي
الرادود : الحاج ملا باسم الكربلائی
المناسبة : الليالي الفاطمية 1440
جامع الحاج علي باش - بغداد - الكريعات
عايش أحزاني تلكاني ابمجلس فاطمه
******
يامحله جوكات اللطم من تنظر اعليها
بدفترها حتماً فاطمه اتسجلنه بيديها
شلي ابحياتي ودنيتي لو ما لطم بيها
خل صدري يوكع والمهم فاطم اواسيها
روحي متعلمه بالخدمه هيبه ومكرمه
******
اشكر الهي اعله اللطم من زغري حزمني
عالـــكربلائي والــدي والشـــور علــــمني
اذكُــرها امي بــكل عـــزه للزهره نــذرتني
كالت لون عفت اللطم يعني انته مو ابني
ابمجلس الزهره متحضره امي الخادمة
******
عاشور عمري والدمع من زغري عاشرته
يامحله ثوب الأسود اعله الزهــره فصلته
كلمن تحـــــزم باللطم اعــــليه قــــــدمته
لطام اعرفه من العلك وأتـــــــوسل ابخته
عابس اجنوني عرفوني عمري امقدمه
******
من تحضر ابهاي المجالس كون عالفطره
لتفكر بهيئة وعـــدد وياهو الذي يقــــــره
اظلوع الزجيه ياخلك تــــــدروها متكسره
يامحله عالفطره اللطم لاتـــــدور الشهره
فاطمه تحضر وي حيدر حماي الحمه
******
امصاب الزجيه والظلع والباب اذكـــــرها
مو ضلعي كون الفاطمه اظلوعي اكسرها
ترضوها حـــرمه والزلم بالباب تعصـــــرها
والصعبة ياناس اعله خدها الثاني يسطرها
شتسوه دمعاتي مولاتي مدمعها دمه
التعلیقات