المهدي يومك صار | | تترقبّك أنظار | | عين الطليعه | | وراية علي الكرار | | تترجّه منك ثار | | ضلع الوديعه | | هالرايه تعرف وين | | تلكَاها عالجفين | | يمّ الشريعه |
|
| * * * * * * * * * * * * * * |
| كل هذا العالم يتنطّر نورك يغايب موعود و نتأمل تظهر و الكل تراقب ترفع رآية جدك حيدر ليث الحرايب رايه البيها الهادي استبشر رسمت مناقب راية الفتحت قلعة خيبر دحرت كتايب رايه القطعت حبل المنكر وخلقت عجايب |
| راية خلود هالرايه من تنشال | | ثبتت وجود تتراجف الأبطال |
| حاملها جدك |
| اسمع رمحها اشقال | | يالمهدي وعدك طال |
| منتظره وعدك |
| راية بطل صفين | | تلكَاها عالجفين |
| يم الشريعه |
| * * * * * * * * * * * * * * |
| رايه ابجف حيدر شفناها اتخوض الملاحم هالرايه الخالق يرعاها رب العوالم عجزت توصلها و تدناها بيض الصوارم جدك حيدر ما خلاها اتحس ابمظالم يوم اللي الفاركَها انطاها لبدر الهواشم جف العباس اتبناها بحر المكارم |
| صارت دليل تنشد عليها الناس | | بيد للكفيل ما تدري للعباس |
| جدك دخرها |
| هالرايه رفعت راس | | ما تقدر الأرجاس |
| تمحي أثرها |
| رايه و تكَر العين | | تلكَاها عالجفين |
| يم الشريعه |
| * * * * * * * * * * * * * * |
| يا راعي الطلعه الموعوده الطلعه البهيّه عمك بالرايه المشهوده خاض المنيّه دافع عنها بكل مجهوده ابهمه و حميّه و خضعت للعباس وزوده أعوان اميّه لهاي الرايه انطاها ازنوده أثمن هديّه لو عنها اتناشد موجوده بالغاضريه |
| برض الطفوف يالمهدي حين اتروح | | يم الجفوف يم عمّك المذبوح |
| تلكَاها يمّه |
| وتلكَه الجسد مطروح | | و من النحر مسفوح |
| عالغبره دمه |
| وكل نايبات البين | | تلكَاها عالجفين |
| يم الشريعه |
| * * * * * * * * * * * * * * |
| يا من نورك رب القدره طوّل مغيبه مصرع عمّك حين اتنظره لكَلبك يصيبه جفوفه اتشاهدها اعله الغبره بالدم خضيبه جم طعنه اتشوف و جم طبره ابجثته السليبه مو بس شخصك جري ابكتره ادموع المصيبه كَبلك حضرت يمه الزهره ابحاله عجيبه |
| تنعه و تكَول عباس الك ونيّت | | بنت الرسول يوليدي يالضحيت |
| لوليدي دمك |
| هاي آنه يمك جيت | | و اعله الحزن خليت |
| ضلعي اعله جسمك |
| ام الغريب حسين | | تلكَاها عالجفين |
| يم الشريعه |
| * * * * * * * * * * * * * * |
| من تكَصد للشاطي ابهمك و كَلبك اليسعر بس ما توصل مصرع عمك وعالجسد تحضر ما تنظر لن امّك يمك ووالدك حيدر و تبدي اهناك الزهره اتكلمك يفجع المنظر اتكَلك يالمهدي آنه امك ضلعي التكسر يبني و كل شيعتنه اتحشمك يا ساعه تظهر |
| ظل يستجير وحيدر يكَلك هاك | | ضلعي الكسير سيف الوغه الفتاك |
| يبني و اريدك |
| تكَطع رقاب اعداك | | وراية بدر وياك |
| خليّها بيدك |
| مطويّه صار اسنين | | تلكَاها عالجفين |
| يم الشريعه |
| * * * * * * * * * * * * * * |
| يالماترتاب ة تتوجّل من كل فزعها يالبيدك سيف الله المنزل هاك استمعها صرخة شيعي اهموم اتحمل بسمك رفعها بظهورك لو ربك عجّل اذكر دمعها و انشد ليش البنت المرسل كسروا ضلعها وانشد عالجفين وإسأل منهو الكَطعها |
| صرخة مصاب يا من ظهورك عيد | | هم و عذاب لا تنسه يا صنديد |
| سيفك تعهّد |
| لهل الضلاله ايبيد | | و تنتظرك من ابعيد |
| راية محمد |
| تعرف دربها من انين | | تلكَاها عالجفين |
| يم الشريعه |
| * * * * * * * * * * * * * * |
| سيفك سر الاسم الأعظم رمحك شعاره صوتك عالمنكر لو دمدم يعلن دماره لا تترك ديّار و معلم ياخذ قراراه ضلع امك يالمهدي اتهشم لا تنسه ثاره و ثار الجسمه اتغسّل بالدم ودمه ايتجاره وعندك يالموعود امخيم ما تطفه ناره |
| نار و نحيب كل خيمه تلهب نار | | نوح و لهيب ابكَلبك الف تذكار |
| تركت يغايب |
| نار التشب بالدار | | يم بضعة المختار |
| أصل المصايب |
| يالمهدي هالنارين | | تلكَاها عالجفين |
| يم الشريعه |
التعلیقات