أخطاء شائعة فى تغذية الأطفال

حابة أتكلم النهاردة عن خطأ شائع بين الأمهات أو الأهل مع أولادهم: مكافأة الأطفال بالحلويات أو الشيكولاتة والبونبون “لو عملت دة

هجبلك حاجة حلوة”؛ بيفضل فى ذهن الأطفال إن دى أهم حاجة فى الحياة ومش بس ممكن تتسبب في السمنة وسد نفسهم عن الأكل ولكن هتخلق من أطفالنا شخصيات مهووسة بالحلويات من غير تنمية أى مواهب.. طيب نعمل إيه لمكافأتهم؟

ممكن نجيب ليهم ستيكرز نجوم أو أى شكل؛ ألوان مع كتاب تلوين؛ زجاجة مياه على شكل شخصية كرتونية… أشياء من هذا القبيل..

العند في الأكل:

تعاملوا مع الطفل إنه ذكى جدا وبيحس ويفهم حتى تعبيرات الوجه؛ بلاش نحسس أولادنا إن الأكل ده عبارة عن مهمة قتالية لكن إحنا بناكل علشان نكبر ونلعب رياضة ونتفسح.

ولو طفل صغير فى السن أوى ممكن نعمل أصوات زى.. براااافو .. نحكى حكاية…

نصيحتي الأخيرة: بلاش تغصبوا أولادكم على الأكل.. لما هيجوعوا هياكلوا إن شاء الله وإحنا بقى دورنا هنا في عالم الأم والطفل إعطاء بعض النصائح والأفكار لتقديم وجبات صحية ومفيدة وفى نفس الوقت شكلها عصرى..

 ربنا يحفظ أولادنا جميعا.

رابط الموضوع