سلطة المعكرونة بالجبن

مطبخ حلوة

منذ 14 سنة

المقادير
كيس واحد معكرونة (أي شكل تحبينه)
خضار مجمده.. جزر- بازيلا- فاصوليا- ذرة (الكمية اللي تبينها) نكون مذوبين الثلج منها في ماي دافي.. بس كمية المعكرونة تكون أكثر عن كمية الخضار
جلاص صغير من جبن كرافت القابل للدهن

2 ملعقة كبيرة        مايونيز
2 ملعقة كبيرة        روب
نص حزمة        بقدونس
3 شرايح        جبن كرافت
شويه        ملح وفلفل أسود

التحضير
- في مله نحط الجبن كرافت القابل للدهن والمايونيز والروب والملح والفلفل... ونخلطهم عدل... ونتركهم في الثلاجة على جنب

- بعدين تسلق المعكرونه... وقبل ما نصفيها ب10 دقايق نضيف الخضار المجمده .. ونتركها تغلي شويه وعقب نصفيهم كلهم مع بعض

- نضيف الخليط السابق من الجبن كرافت والمايونيز على المعكرونة والخضار مباشرة أول ما نصفيهم... عقب نحطهم في صحن التقديم ونحط عليهم شاريح الجبن الكرافت... راح تذوب من الحرارة لذيذة...

وفي الاخير نضيف البقدونس