لو حامل وصايمة.. ابعدي عن الاكلات دي

لو كنتي حامل وقررتي تصومي سواء شهر رمضان او أي أيام تانية بعد مراجعة الدكتور المتابع لحالتك، فلهلوبة بتقولك خدي بالك ان في مجموعة من الاكلات والمشوربات اللي لازم تبعدي عنها، علشان تبقي متطمنة وتحافظي على صحتك وصحة جنينك، واللي هي:

1- السكريات على قد ما تقدري، ولو كنتي عايزة تاكلي منها، يبقى قطعة صغيرة.

2- اتجنبي الدهون والأكل المقلي والدسم، لانه بيزود نسبة الكوليسترول الضار في الدم وبيسبب أمراض خطيرة في القلب زي انسداد الشرايين.

3- قللي من تناول المشروبات اللي بتحتوي على الكافيين زي القهوة والشاي، لان تناولهم بكمية كبير بيسبب تقلصات الرحم، كمان خطر على الجنين اللي في بطنك وممكن يسبب الإجهاض.

4- بلاش تتعرضي لاشعة الشمس في اوقات الذروة على قد ما تقدري، علشان تحافظي على رطوبك جسمك، وتمنعي نفسك من الدوخة والجفاف.

5- ابعدي تماما عن المشروبات الغازية، لانها بتسبب هشاشة العظام، ممكن تبدليها بشرب العصاير الطبيعية، علشان فيها فيتامينات وعناصر غذائية مفيدة للجسم.

6- قللي من الأكل المالح والمخللات على قد ما تقدري، علشان تمنعي احتباس السوايل في الجسم.